Centro de Estudios sobre la Identidad Colectiva

Liburu honen bitartez euskal gazteri garaikideak bizitzen dituen eraldaketetan barneratzen gaituen ikerketa aurkezten zaigu. Eraldaketa hauek ulertarazteko, ikusmira desberdinak jorratzen dituen ikerketa dugu honakoa. Esaterako, gizarte mobilizazioaren ikusmira tradizionala eta proiektu kulturalen inguruan sortzen diren gizarteratze esparruak aztertzen dituzten ikusmira berriak uztartzen ditu.Honela, merkataritza guneetan edo alokatutako lokaletan ematen diren gizarte dinamiketara hurbilduz, eraldaketa prozesu konstantean dauden eremu desberdinak zeharkatzen dituen ikerketa dugu. Era berean, koadrila, ondarea, musika eta teknologia moduko esparruak aztertuz gazteen gizartezkotasun forma berregituratuetara hurbiltzen gaitu. Interes teoriko eta enpiriko handia sorrarazten dituzten berregituraketa hauek identitatea eta politika moduko oinarrizko kategorien ber-definizioren bidean jartzera gonbidatzen gaituzte.